ខ្លាំងមែន! កូន​ប្រុស​មហា​សេដ្ឋី​ចិន​ទិញ​ទូរសព្ទ​ iPhone 7 ចំនួន​៨​គ្រឿង​អោយ​ឆ្កែ

ជារឿងដែលមិនគួរអោយជឿ កូនប្រុសមហាសេដ្ឋីប្រទេសចិនទិញទូរសព្ទ័ទំនើប iPhone 7 ដែលទើបតែចេញលក់ចំនួន ៨គ្រឿងអោយសត្វឆ្កែជាទីស្រលាញ់របស់គាត់ឈ្មោះ កូកូ។

លោក Wang Sicong ដែលជាកូនមហាសេដ្ឋីនេះ បានចែករំលែករូបថតជាច្រើនសន្លឹករបស់ កូកូកូកំពុងតែដេកលេងក្បែរ ទូរសព្ទថ្មីស្រឡាងមួយគំនរក្នុងប្រព័ន្ធផ្សព្វផ្សាយសង្គម Weibo។ កូនមហាសេដ្ឋីរូបនេះ ក៏បានសរសេរភ្ជាប់ជាមួយរូបភាពទាំងនោះដែរថា "ខ្ញុំមិនយល់ថាហេតុអ្វីបានជាគ្រប់គ្នាចូលចិត្ត បង្អួតតាមបណ្តាញប្រពន្ធ័សង្គនោះទេ តើវាបានន័យអី ? កុំបង្ខំអោយខ្ញុំធ្វើវា។"

កូនមហាសេដ្ឋីរូបនេះ ត្រូវបានគេស្គាល់ថា ជាកូនប្រុសរបស់មហាសេដ្ឋី Wang Jianlin ដែលមានទ្រព្យសម្បត្តិប្រមាណ ៣០ ពាន់លានដុល្លារសហរដ្ឋអាមេរិក។

គួរបញ្ជាក់ប្រាប់ថាសត្វឆ្កែមហាសំណាងនេះ ក៏​ធ្លាប់​ថត​ជា​តារាម៉ូឌែល​ជាមួយ​នាឡិការ​ទំនើប​របស់​ក្រុមហ៊ុន Apple ផងដែរ។

ប្រភព ៖ upi
អត្ថបទដោយ ៖ ប៉ោ គីមហុក